- Lyrics
- Album list
- Singer Intro
方瑞娥
-
女性的哀怨
Lyricist:許丙丁
戀愛有時起風颱,天黑雨就來;女性危險的運命,坎坷路歹行 靠你真心相照顧,即有光明路;無疑誤心愛的人,誤阮的前途
初戀的時真溫純,體貼對待阮;無疑心變一時陣,船過水無痕 失戀親像孤單鳥,無伴哭黃昏;等待著月娘出來,伴阮心憂悶
愛情較重人生命,嘴講無照行;怎樣有聲看無影,無雨陳雷聲 男性僥心真快變,秋雲飛滿天;舉頭看出西窗外,月缺更再圓
------------------------------------------
《女性的哀怨》Lú-sìng ê Ai-uàn 方瑞娥Png Suī-ngôo
戀愛有時起風颱 luân-ài ū-sî khí hong-thai 天烏雨就來 thinn oo hōo tsiū lâi 女性危險的運命 lú-sìng guî-hiám ê ūn-miā 坎坷路歹行 khám-khia̍t-lōo pháinn-kiânn 靠你真心相照顧 khò lí tsin-sim sio tsiàu-kòo 才有光明路 tsiah ū kong-bîng lōo 無疑誤心愛的人 bô-gî-gōo sim-ài ê lâng 誤阮的前途 gōo gún ê tsiân-tôo Find more lyrics at ※ Mojim.com
初戀的時真溫馴 tshoo-luân ê sî tsin un-sûn 體貼對待阮 thé-thiap tuì-thāi gún 無疑心變一時陣 bô-gî sim piàn tsi̍t-sî-tsūn 船過水無痕 tsûn kuè tsuí bô hûn 失戀親像孤單鳥 sit-luân tshin-tshiūnn koo-tuann tsiáu 無伴哭黃昏 bô-phuānn khàu hông-hun 等待著月娘出來 tán-thāi tio̍h gue̍h-niû tshut-lâi 伴阮心憂悶 phuānn gún sim iu-būn
愛情較重人性命 ài-tsîng khah tāng lâng sìnn-miā 喙講無照行 tshuì kóng bô tsiàu kiânn 怎樣有聲看無影 tsuánn-iūnn ū siann khuànn-bô iánn 無雨霆雷聲 bô hōo tân-luî siann 男性僥心真快變 lâm-sìng hiau-sim tsin khuài piàn 秋雲飛滿天 tshiu-hûn pue muá-thinn 攑頭看出西窗外 gia̍h-thâu khuànn-tshut se-thang guā 月缺閣再圓 gue̍h khuat koh-tsài înn
- Special thanks to W.B. Chen for correcting the lyric.
- Related Links: W.B. Chen
|