- Lyrics
- Album list
- Singer Intro
劉福助
-
七揀八揀揀一個賣龍眼
嘿~恁逐家啊 緊來聽 緊來看 毋是我咧臭彈 當時十八我猶未娶 媒人婆仔 一工七八逝 毋管歹天佮落雨 日頭遮爾大喔 開喙叫我 某著愛娶 阮爸母愛抱孫 叫我毋通閣吞忍 趕緊出去看 出去巡 頭一個 大跤腰仔是大跤胴 我看是無夠重 三八婆仔 是毋捌字 兩排金喙齒 招弟仔 又閣傷雜唸 罔腰仔袂曉儉 罔惜仔擴前額 彼罔腰仔擴後壁 媒人喙是糊瘰瘰 講啥物前擴金 講啥物後擴銀 若是我看來 是前擴衰 彼後擴狼狽 東西南北揣透透 喙焦喉渴汗那流 最後賰一個 媒人婆仔講一定好勢 大學拄畢業 公司咧做會計 緊來走啊緊來去 這擺可能我會佮意 走到彼個公司 徛踮門口看入去 哎喲小姐面肉白 頭殼閣犁犁 生一個櫻桃喙 閣愈看愈古錐 攑頭一下看 參我相對頭 開喙對我吻 害我規身軀交懍恂 順紲共訂婚 後個月娶入門 洞房花燭夜 生米煮成飯 才知影 我這個某 腹肚若水櫃 胸坎若樓梯 兩枝跤敢若草蜢仔腿 目睭一蕊有古錐 看詳細 一蕊玲瑯踅 一蕊鬥玻璃 有欲做親情 姻緣天註定 毋免傷𠢕揀 七揀八揀 揀一個咧賣龍眼
《七揀八揀揀一個賣龍眼》Tshit-kíng Peh-kíng Kíng Tsi̍t-ê Bē Lîng-gíng 劉福助 Lâu Hok-tsōo ------------------------------------------ 嘿~恁逐家啊 heh~ lín tāi-ke--ah 緊來聽 kín lâi thiann 緊來看 kín lâi khuànn 毋是我咧臭彈 m̄-sī guá teh tshàu-tuānn 當時十八我猶未娶 tong-sî tsa̍p-pueh guá iáu-buē tshuā 媒人婆仔 muî-lâng-pô--á 一工七八逝 tsi̍t-kang tshit-pueh tsuā 毋管歹天佮落雨 m̄-kuán pháinn-thinn kah lo̍h-hōo 日頭遮爾大喔 ji̍t-thâu tsiah-nī tuā--ooh 開喙叫我 khui-tshuì kiò guá 某著愛娶 bóo tio̍h-ài tshuā 阮爸母愛抱孫 gún pē-bú ài phō sun 叫我毋通閣吞忍 kiò guá m̄-thang koh thun-lún 趕緊出去看 kuánn-kín tshut-khì khuànn 出去巡 tshut-khì sûn 頭一個 thâu tsi̍t-ê 大跤腰仔是大跤胴 tuā-kha-io--á sī tuā-kha-tâng 我看是無夠重 guá khuànn sī bô-kàu-tāng 三八婆仔 sam-pat-pô--á 是毋捌字 sī m̄ bat-jī 兩排金喙齒 nn̄g-pâi kim tshuì-khí 招弟仔 tsio-tī--á 又閣傷雜唸 iū-koh siunn tsa̍p-liām 罔腰仔袂曉儉 bóng-io--á bē-hiáu khiām 罔惜仔擴前額 bóng-sioh--á khok tsîng-hia̍h Find more lyrics at ※ Mojim.com 彼罔腰仔擴後壁 he bóng-io--á khok āu-piah 媒人喙是糊瘰瘰 muî-lâng tshuì sī hôo-luì-luì 講啥物前擴金 kóng sím-mih tsîng-khok kim 講啥物後擴銀 kóng sím-mih āu-khok gîn 若是我看來 nā-sī guá khuànn--lâi 是前擴衰 sī tsîng-khok sue 彼後擴狼狽 he āu-khok liông-puē 東西南北揣透透 tang-sai-lâm-pak tshuē thàu-thàu 喙焦喉渴汗那流 tshuì-ta âu-khuah kuānn ná lâu 最後賰一個 tsuè-āu tshun tsi̍t-ê 媒人婆仔講一定好勢 muî-lâng-pô--á kóng it-tīng hó-sè 大學拄畢業 tāi-ha̍k tú pit-gia̍p 公司咧做會計 kong-si leh tsò kuè-kè 緊來走啊緊來去 kín lâi tsáu--ah kín lâi-khì 這擺可能我會佮意 tsit pái khó-lîng guá ē kah-ì 走到彼個公司 tsáu kàu hit-ê kong-si 徛踮門口看入去 khiā tiàm mn̂g-kháu khuànn--ji̍p-khì 哎喲小姐面肉白 aih-ioh! sió-tsiá bīn-bah pe̍h 頭殼閣犁犁 thâu-khak koh lê-lê 生一個櫻桃喙 sinn tsi̍t-ê ing-thô tshuì 閣愈看愈古錐 koh jú khuànn jú kóo-tsui 攑頭一下看 gia̍h-thâu tsi̍t-ē khuànn 參我相對頭 tsham guá sio tuì-thâu 開喙對我吻 khui-tshuì tuì guá bún 害我規身軀交懍恂 hāi guá kui-sin-khu ka-lún-sún 順紲共訂婚 sūn-suà kā tīng-hun 後個月娶入門 āu-kò-gue̍h tshuā ji̍p-mn̂g 洞房花燭夜 tōng-pông-hua-tsiok iā 生米煮成飯 tshinn-bí tsú tsiânn pn̄g 才知影 tsiah tsai-iánn 我這個某 guá tsit-ê bóo 腹肚若水櫃 pak-tóo ná tsuí-kuī 胸坎若樓梯 hing-khám ná lâu-thui 兩枝跤敢若草蜢仔腿 nn̄g-ki kha kán-ná tsháu-meh-á thuí 目睭一蕊有古錐 ba̍k-tsiu tsi̍t-luí ū kóo-tsui 看詳細 khuànn siông-sè 一蕊玲瑯踅 tsi̍t-luí lin-long se̍h 一蕊鬥玻璃 tsi̍t-luí tàu po-lê 有欲做親情 ū beh tsò-tshin-tsiânn 姻緣天註定 in-iân thinn tsù-tiānn 毋免傷𠢕揀 m̄-bián siunn gâu kíng 七揀八揀 tshit-kíng peh-kíng 揀一個咧賣龍眼 kíng tsi̍t-ê teh bē lîng-gíng
-
|