- Album Intro
- Lyrics
- Album list
- Singer Intro
江惠儀
-
雲
Lyricist:江惠儀 Composer:江惠儀
看袂清 也摸袂著伊的身軀 有偌高 抑偌遠嘛袂凍計算 無人知 伊到底是啥物身份 每一工 無暝無日攏無歇睏 無人借問 也無朋友
無聊的雲 戴著追求自由的面具 煽動著 你的我的無助的憂悶 無需要允准 寂寞的雲 畫著真假難分的面腔 搝搦著 你的我的空虛的緣份 由在伊按算 落手無躊躇
伊總是 為咱的遭遇流目屎 伊總是 為著不平感覺憤慨 你毋知 啥物故事經過誰的設計安排 何時行入 何時離開 你的秘密攏被公開
伊看咱泅佇 無邊無岸無解的命運 戲弄著 你的我的無助的靈魂 無需要顧慮 伊看咱搬著 這齣揣無未來的劇本 舞弄著 你的我的空虛的青春 袂為咱保留 半點攏無賰
咱永遠 走袂離伊造的世界
------------------------------------------
18161/《雲》Hûn 江惠儀Kang Huī-gî
看袂清 khuànn buē-tshing 也摸袂著伊的身軀 iā bong buē-tio̍h i ê sin-khu 有偌懸 ū guā kuân 猶偌遠 iáu guā hn̄g 嘛袂當計算 mā buē-tàng kè-sǹg
無人知 bô-lâng tsai 伊到底是啥物身份 i tàu-té sī siánn-mih sin-hūn 每一工 muí tsi̍t-kang 無暝無日 bô-mî-bô-ji̍t 攏無歇睏 lóng bô hioh-khùn 無人借問 bô-lâng tsioh-mn̄g 也無朋友 iā bô pîng-iú
無聊的雲 bô-liâu ê hûn 戴著追求自由的面具 tì tio̍h tui-kiû tsū-iû ê bīn-khū 煽動著你的我的 siàn-tōng tio̍h lí ê guá ê 無助的憂悶 bû-tsōo ê iu-būn 無需要允准 bô su-iàu ún-tsún Find more lyrics at ※ Mojim.com
寂寞的雲 tsi̍k-bo̍k ê hûn 畫著真假難分的面腔 uē tio̍h tsin-ké lân-hun ê bīn-tshiunn 搝搦著你的我的 giú-la̍k tio̍h lí ê guá ê 空虛的緣份 khang-hi ê iân-hūn 由在伊按算 iû-tsāi i àn-sǹg 落手無躊躇 lo̍h-tshiú bô tiû-tû
伊總是 i tsóng-sī 為咱的遭遇流目屎 uī lán ê tso-gū lâu ba̍k-sái 伊總是 i tsóng-sī 為著不平 uī-tio̍h put-pîng 感覺憤慨 kám-kak hùn-khài 你毋知啥物故事 lí m̄-tsai siánn-mih kòo-sū 經過誰的設計安排 king-kuè siáng ê siat-kè an-pâi 何時行入 hô-sî kiânn-ji̍p 何時離開 hô-sî lī-khui 你的祕密 lí ê pì-bi̍t 攏被公開 lóng pī kong-khai
伊看咱 i khuànn lán 泅佇無邊無岸 siû tī bô-pinn bô-huānn 無解的命運 bô-kái ê miā-ūn 戲弄著你的我的 hì-lāng tio̍h lí ê guá ê 無助的靈魂 bû-tsōo ê lîng-hûn 無需要顧慮 bô su-iàu kòo-lū
伊看咱搬著這齣 i khuànn lán puann tio̍h tsit tshut 揣無未來的劇本 tshuē-bô bī-lâi ê kio̍k-pún 舞弄著你的我的 bú-lōng tio̍h lí ê guá ê 空虛的青春 khang-hi ê tshing-tshun 袂為咱保留 buē uī lán pó-liû 半點攏無賰 puànn-tiám lóng bô tshun
咱永遠走袂離 lán íng-uán tsáu buē-lī 伊造的世界 i tsō ê sè-kài
- Special thanks to W.B. Chen for correcting the lyric.
- Related Links: W.B. Chen
|