- Lyrics
- Album list
- Singer Intro
郭忠祐
-
柚仔
Lyricist:郭忠佑 Composer:郭忠佑
媽 感謝你的堅持 予我會當 來到你身邊 毋是含著金湯匙 細漢嘛無人欲挃 只有你 毋捌共阮放棄 媽 阮大家攏愛你 細漢共你忤逆 是阮對不起 佳哉有你的教示 予阮路無行偏去 會當成人 予人看會起 人攏講我親像柚仔愛等消水 囥愈久是愈甜愈軟米 人生賰的日子 我一定用盡全力 共你有孝 予你過了歡喜 媽 阮大家攏愛恁 時常無咧身邊 就愛保重家己 等待雲開見月明 阮會成功倒轉去 予你驕傲 予人呵咾甲會觸舌 人攏講我親像柚仔愛等消水 囥愈久是愈甜愈軟米 人生賰的日子 我一定用盡全力 共你有孝 予你過了歡喜 人攏講我親像柚仔愛等消水 愈大漢愈乖愈捌代志 人生賰的日子 我一定無所不至 予你清幽 予你歡歡喜喜 媽 心愛放予開 毋免煩惱阮 好好享受過日
------------------------------------------
24149/《柚仔》Iū-á 郭忠祐Kueh Tiong-iū
媽 ma 感謝你的堅持 kám-siā lí ê kian-tshî 予我會當來到你身邊 hōo guá ē-tàng lâi-kàu lí sin-pinn 毋是含著金湯匙 m̄-sī kâm tio̍h kim thng-sî 細漢嘛無人欲挃 sè-hàn mā bô-lâng beh ti̍h 只有你 tsí-ū lí 毋捌共阮放棄 m̄-bat kā gún hòng-khì
媽 ma 阮逐家攏愛你 gún ta̍k-ke lóng ài lí 細漢共你忤逆 sè-hàn kā lí ngóo-gi̍k 是阮對不起 sī gún tuì-put-khí 佳哉有你的教示 ka-tsài ū lí ê kà-sī 予阮路無行偏去 hōo gún lōo bô kiânn phian--khì 會當成人 Find more lyrics at ※ Mojim.com ē-tàng tsiânn-lâng 予人看會起 hōo-lâng khuànn-ē-khí
人攏講我 lâng lóng kóng guá 親像柚仔愛等消水 tshin-tshiūnn iū-á ài tán siau-tsuí 囥愈久是愈甜愈軟米 khǹg jú kú sī jú tinn jú nńg-bí 人生賰的日子 jîn-sing tshun ê ji̍t-tsí 我一定用盡全力 guá it-tīng iōng-tsīn tsuân-li̍k 共你有孝 kā lí iú-hàu 予你過了歡喜 hōo lí kuè-liáu huann-hí
媽 ma 阮逐家攏愛你 gún ta̍k-ke lóng ài lí 時常無咧身邊 sî-siông bô teh sin-pinn 著愛保重家己 tio̍h-ài pó-tiōng ka-kī 等待雲開見月明 tán-thāi hûn khui kìnn gue̍h bîng 阮會成功倒轉去 gún ē sîng-kong tò-tńg--khì 予你驕傲 hōo lí kiau-ngōo 予人呵咾甲會觸舌 hōo-lâng o-ló kah ē tak-tsi̍h
人攏講我 lâng lóng kóng guá 親像柚仔愛等消水 tshin-tshiūnn iū-á ài tán siau-tsuí 囥愈久是愈甜愈軟米 khǹg jú kú sī jú tinn jú nńg-bí 人生賰的日子 jîn-sing tshun ê ji̍t-tsí 我一定用盡全力 guá it-tīng iōng-tsīn tsuân-li̍k 共你有孝 kā lí iú-hàu 予你過了歡喜 hōo lí kuè-liáu huann-hí
人攏講我 lâng lóng kóng guá 親像柚仔愛等消水 tshin-tshiūnn iū-á ài tán siau-tsuí 愈大漢愈乖愈捌代誌 jú tuā-hàn jú kuai jú bat tāi-tsì 人生賰的日子 jîn-sing tshun ê ji̍t-tsí 我一定無所不至 guá it-tīng bû-sóo-put-tsì 予你清幽 hōo lí tshing-iu 予你歡歡喜喜 hōo lí huann-huann-hí-hí
媽 ma 心愛放予開 sim ài pàng hōo khui 毋免煩惱阮 m̄-bián huân-ló gún 好好享受過日 hó-hó hiáng-siū kuè-ji̍t
- Special thanks to W.B. Chen for correcting the lyric.
- Related Links: W.B. Chen
|